Northeast nung tzünglu kanga arutsü

Guwahati, May 27 (Agencies): Northeast kübok Assam, Arunachal Pradesh, Meghalaya, Nagaland, Manipur, Mizoram aser Tripura state tem nung tzünglu arutsü ta SkyMet Weather ajanga metetdaktsü.
Tang ya Assam aser Meghalaya kübok tesem kar nung mopung aoner. Iba den külemi Bay of Bengal nungi mopung talem aonba ajanga Northeast India nung kongshir aser iba ajanga taruba anogo ana asem tashi tzünglu arutsü.
May 30 nungi Arunachal Pradesh, Assam, Meghalaya aser Nagaland kübok tesem kar nungbo tzünglu kanga arutsü akok. Manipur, Mizoram aser Tripura nunga tzünglu arutsü saka mezüng ashiba state pezü dang nungi tajemba asütsü, ta SkyMet Weather-isa metetdaktsü.
June 1 nungi Northeast nung tzünglu kanga arutsü aser iba mapang tesem aika nung tzü atsüngdenba aser tzümetsüng timtemtem ajurutsü.