NorthEast nung tzünglu süngjemtsü

Guwahati, August 20 (Agencies): Northeast India nung mapang talangka tzünglu maneni aruogo, ajisüaka taruba anogo ana asemshi Assam aser temeket state tem nung tzünglu aruba süngjemtsüa akok, ta Met department-i metetdaktsü.
Tanü osangbener den jembidang Guwahati nung amenoka aliba Regional Meteorological Centre nung Deputy director general of Meteorology, Sanjay O’Neill-i, taruba anogo ana asem shi northeast state tem nung tzünglu aruba anentsüa akok, ta metetdaktsü.
IMD ajanga, Assam, Meghalaya, Nagaland, Manipur, Mizoram aser Tripura tesem aika nung Mongolbar tashi tzünglu marutsüa akok, ajisüaka Arunachal Pradesh nungbo taruba anogo ananü tzünglu sashia arutsü, ta metetdaktsü.
Northeast states tesem aika nung taruba ghonda 24 tsüngda tzünglu tera dang arutsü, ajisüaka Eastern aser Central Assam, nungbo tsüngmok amoktsüa akok, ta IMD ketdangsertemi metetdaktsü.
Tesüiba ghonda 24 nung Arunachal Pradesh, Assam, Meghalaya, Mizoram, Tripura den Nagaland aser Manipur tesem ishika nung tzünglu tera aruogo aser Assam o Arunachal Pradesh na nungbo tzünglu sashia aruogo.