Northeast nungi nüngtugu Rock kentener telok pongu

November 24 : Lucid-Recess-Guwahati: Iba telok ya alternative/metal ken atener telok lir. Parnok ya Guwahati, Assam nung 2004 küm adianu ana, Siddharth aser Amitabh Barooa nati tentet. Iba sülen Lucid-Recess yagi 2011 küm Toto awards for Music award angu. Parnoki EP title ‘Carved’ 2007 küm saya aser iba sülen ‘Engraved Invitation’ kensep 2010 küm saya. November 9, 2015 nü parnoki ‘Dead Deep End’ ken atema video tasen ka sayaogo.

Alobo Naga and the band: Dimapur, Nagaland nung 2010 meyi mapang tentetba telok, Alobo Naga and the band ya Northeast nung aliba kentener telok rongnung Hornbill International Rock contest, Nagaland nung temaba jenjang 10 rongi ai’er mezüng telok lir aser Northeast nung kanga nüngdakba aser nüngutugu telok ka kümogo. Parnoki EP ‘Painted Dreams’ 2011 küm saya aser iba sülen jirula ken aika sayaba ajanga tongtibang takok aika nguogo. 2012 küm parnok telok ya MTV Europe music awards nung Best Indian Act/worldwide atema tenüng benoka liasü.

Minute of Decay: Iba telok ya indie/funk kentener telok lir aser parnok ya Manipur nungi saka Delhi nung telidak lir. Parnok ya Northeast nungi tetsür kija agi akümba kentener telok rongnung tamapur lir. Minute of Decay telok ya 2011 küm tentet aser parnoki mezüng EP ‘Finding Betsy’ 2014 küm saya. Parnoki tawa BBC radio network nung shilem agi liasü aser iba mapang ‘Little Betsy’ ken aten.

Midnight Garden Factor: Midnight Garden Factor ya Shillong nungi progressive metal/rock kentener telok lir. Parnoki Northeast aser tanga tesem nung tetoktepba aika nung takok anguba dang masü saka 2007 küm Hornbill National Rock Beat Contest nung 2nd runners up, 2010 küm Meghalaya Icon nung mezüng jenjang, 2013 küm Shillong Battle Rock nung mezüng jenjang aser 2013 Rock Rising Guwahati nunga mezüng jenjang nguteta lir. Parnok telok tentetba sülen züngsem aiben melenogo aser tang parnok EP title ka asoshi project teinyakdak lir.

Magdalene: Iba telok ya 2005 August nung tentetba Aizawl nungi Rock kentener telok ka lir aser parnoki Aizawl nung 2007 küm ‘Best band’ award anaben tashi ngua lir. Telok tentenba sülen parnoki kensep ana sayaogo-2006 küm Life Beyond death aser 2010 küm Magdalene. Kensep tanabuba sayaba sülen küm asem ajemajema lir külen 2013 küm nungi project tasen kar tenzükba angur.