Nov 1 nungi Guwahati Theatre Festival tenzüktsü

Guwahati, October 13 (Agencies): November 1, 2017 nungi 2 buba Guwahati Theatre Festival tenzüktsü aser iba nung Shabana Azmi, Rajat Kapoor, Vinay Pathak, Ranveer Shorey aser Arundhati Nag nungertem adentsü, ta tanü osang ka ajanga metetdaktsü.
Hokolbarnü Festival chairman, Sunit Jain-i osangbener dang ashiba agi, iba benjung nung alima nung nüngtugu teloktemi parnok sempettem northeast nung alirtem dang sayutsü atema sabang lapoktsür.
Benjung lapokba anogo nung Quasar Thakore Padamsee indang ‘Mother Courage and Her Children’ sayutsü. Iba sentong nung theatre tejen nisung Arundhati Nag-ia shilem agitsü, ta Jain-i ashi.
November 1 nungi November 5, 2017 tashi nüngtugu play 5 tashi sayutsü aser item rongnung Shabana Azmi-i shilem agiba ‘Broken Images’ dena lir.
Iba play ya Girish Karnad-i zülu aser Alyquee Padamsee-i direct asü.
Guwahati Theatre Festival nungsa Shakespeare indang ‘What’s Done is Done (Macbeth)’ aser ‘Piya Behrupia (Twelfth Night) play tem Mumbai nungi theatre production house temi sayutsü.
Benjung nungsa 1970s mapang Hindi film actor Shammi Kapoor indang taküm otsü nung ajemdaker yangluba ‘The Gentleman’s Club’ play-i shilem tongti agitsü.
Iba benjung ta hopta shia adokba osangkaket GPlus den Apollo Hospitals nati ayongzüker aser Vodafone, Indian Oil, Ballantine’s aser Hastakshar temi teyari agütsür.