Nov. 11 nü Nuclear Suppliers Group senden amentsü

New Delhi, November 02 (Agencies): November 11, 2016 nü Vienna nung Nuclear Suppliers Group (NSG) senden ka amentsü ayongogo, aser iba senden nung India-i maneni iba telok nung züngsem akumtsü atema benoktsüa akok.
Taküm June ita Seoul nung NSG plenary senden alidang Narendra Modi’er sorkari züngsem 48 aliba NSG nung züngsem akumtsü atema benoka liasü. Iba mapang nung China-i anir linük ishikati nokdangba ajanga India nükjidong matalok.
Ketdangsertemi ashiba agi, India NSG züngsem akumtsü atema Hombarnü India aser China na senden ka mena jembiogo.
Parnokisa ashiba agi, Hokolbarnü Hyderabad nung India National Security Advisor, AK Doval-i China State Councillor, Yang Jiechi ajurudanga iba onük süoka jembitsü.
Tang tashi China-i, India-i Nonproliferation Treaty atema tezüngzüktep agia mali ta shia India NSG züngsem akumtsü atema anema nokdaker.
Taküm June 23-24 anogotem nung Seoul nung NSG plenary senden alidang India NSG züngsem akumtsü atema USA, Russia aser France den Australia o Japan linüktemi pusema liasü ajisüaka China-i nokdangba ajanga iba züngsem mekümtet.