Nov 16 nungi Winter Session tenzüktsü

New Delhi, October 19 (Agencies) : Parliament nung Winter Session November 16 nungi tenzüktsü aser December 16 nü tembangtsü imlar.
Iba ya Lok Sabha 16 buba Session aser Rajya Sabha 241 Session asütsü.
“November 16, 2016 nungi 16 buba Lok Sabha session 10 buba tenzüktsü aser December 16, 2016 nü tembangtsü imlar” ta Lok Sabha Secretariat sangdong ka nung metetdaktsü.
Iba kasa sangdong ka Rajya Sabha Secretary General Shamsher K Sheriff-ia metetdakja liasü.
October 13 nü New Delhi nung Cabinet Committee on Parliamentary Affair (CCPA) senden amendang Parliament session ji November 16 nung tenzüktsü aser December 16 nü tembangtsü atema lemtet.
Session jelia agiba ajanga Central GST (CGST) aser Integrated GST (IGST) asoshi teyari angutsü aser November tatemlen mesüra December tetenzüklen Goods and Services Tax (GST) mapa küma inyaktsü atema lenmang lapoktsü imlar.
Sorkari sangküm Budget Session ji ita ka shi jelia agitsü sentong lir aser parnok sangküm January nungi aginür.