Nov. 26 nü “Constitution Day” amungtsü: PM Modi

Mumbai, October 11 (Agencies): Tanü Mumbai nung lokti senden ka nung Ato kilonser Narendra Modi-i BR Ambedkar Memorial atema lung azüngtsüba sentong nung pai, November 26 ji “Constitution Day” asütsü, ta sangdongogo.
“Babasaheb Ambedkar ya kin ka kija ajungmesor ka masü, saka alima ajak ajungmesor ka lir. Ajisüaka India Temzüng tebu nem Bharat Ratna-a magütsü. Parnoki (Congress) Dalit jabaso ka magizüktet,” ta Modi-i ashi.
1990 küm VP Singh’er National Front sorkar mapang BJP-i pusema Dr Ambedkar nem Bharat Ratna agüja liasü.
Asüng Bihar nung mezüngbubaren assembly election agitsü lia Modi-i, “Dalit, adivasi aser backward class timba aliba state temi teti BJP atema vote agüja aruogo. Teti BJP sorkar aliba mapang tiyazü jembirtem pokteta onoki reservation agientsü ta olulu proker. Iba ya Atal Bihari Vajapayee’er sorkar mapang nunga atalokogo,” ta Ato kilonseri ashi.