Nov. 4 nü NFHRCC senden amentsü

Dimapur, November 1 (TYO) : November 4, 2016 nikongtsütsü 2:00 ako nung NFHRCC senyur kidang senden ka amentsü, ta NFHRCC Convener, Supu Jamir-i sangdong ka nung metetdaktsü.
Iba senden nung tongtipang onük kar benoka olemteptsü, anungji züngsem ajak arua adentsü mepishia metetdaktsür. NFHRCC-isa ali kiburtem dang nisung shinga nema NOC magütsütsü mepishir, ta NFHRCC Convener-isa sangdong nung shia lir.