Nov 8 nungi ANCSU biennial conference tenzüktsü

Kohima, October 29 (TYO): All Nagaland College Students’ Union (ANCSU) indang 18 buba Biennial Conference November 8 nungi 11, 2017 tashi Fazl Ali College, Mokokchung nung alitsü.
November 9, 2017 nü Chief Minister, T.R. Zeliang-i tongti tesemdanger ama ‘inaugural function’ nung adentsü aser November 8 ‘introductory session’ nung Mokokchung DC, Sushil Kumar Patel-i balaka jateta jaoker ama shilem agitsü.
Maneni, Technical Education Parliamentary Secretary, N. Thomas Ngullie-i literary session, Mission Director NHM, Dr. Limaakum Jamir-i academic session aser Social Welfare Parliamentary Secretary, Merentoshi R. Jamir-i valedictory session nung shilem agitsü.
Taküm indang omenji “Synergizing young minds” lir aser iba nung ajemdaker Department of Botany, Nagaland University HQ Lumami Asst. Prof., Dr. Neizo Puro-i o jembitsü.
Sentong nungsa Naga Students’ Federation (NSF) president, Kesosul Christopher Ltu-i tepela o jembitsü, St. Joseph College Jakhama-i “Act on Clean Election” sayutsü aser ABAM Executive Secretary aser NBCC clean election coordinator, Rev. Dr. Mar Atsongchanger-i iba onük jembitsü.
Taküm ANCSU mungdang nung lanurtemi tangatetba tasen ngutettsü imlar kechiyong taküm omen “Synergizing young minds” ya kaketshirtem dak aketba sepemtettem temai adokdaktsütsü atema shimba lir, ta Organizing Committee Convenor, N. Ejanthung Ngullie-i ashi.
ANCSU-i taküm tetoktepba asem- extempore speech, painting aser photography tem enoksemer aser parnoki affiliated college ajak nungi teshimtet nübo metsür pungugu yoktsü atema mepishia metetdaktsüogo.
Mungdang nung Union Assembly alitsü aser iba mapang kaketshirtem indang khurettem benoka olemteptsü aser telemtetbatem agitsü, ta Ejanthung-isa osangbener dang ashi.
ANCSU-i taküm college shia atema “Student of the Year” award tenzüktsü sentong lir aser iba ya academic performance nungdang masü saka creativity skills nunga ajemdaker agütsütsü, ta paisa shisem.
November 10 nü kümsük 2017-19 atema ANCSU indang Executive Council aser Union Assembly Election agitsü.
November 10 nikongdang Collegiate talent nite ayonga agitsü aser 18 buba Biennial Conference nungsa organizing committee-i best discipline college sempet agütsütsü.