Toronto, July 30 (Agencies): Alima ajunga nung tebur World No. 1, Novak Djokovic-i par quarterfinal asaya koka tang tasayadak Rogers Cup tennis asayamong tebur semifinal asayatsü jenjang yashi, Hokolbar nü ajangzükogo.
Serbia nunger Djokovic-i yashi points 7-6 (8-6), 6-4 ngua, Czech Republic nunger Tomas Berdych madak takok angu.
Tan takok anguba ya Djokovic-i Berdych den 26 ben tashi asayadang asaya 24 buba akoker lir.
Tan asayamong nung 10 buba jenjang abener, France nunger Gael Monfils-ia points 6-4, 6-4 agi Canada nunger Milos Raonic madak takok ngua semifinal asayatsü jenjang ajangzüka liasü.
Monfils aser Djokovic na semifinal nung ajuruteptsü lemzüka lir.
Ano külen, Switzerland nunger Stan Wawrinka aser Japan nunger Kei Nishikori natia par quarterfinal asaya koka, tena tsüngda tanabuba semifinal asayatsü lemzükba osang jangjaogo.
Tan asayamong nung 2 buba jenjang abensang, Wawrinka-i yashi ghonda 1 ser minute 13 nung points 6-1, 6-3 ngua, South Africa nunger Kevin Anderson tsükdaktsü aser 3 buba jenjang abensang, Nishikori-ia points 6-3, 3-6, 6-2 agi Bulgaria nunger Grigor Dimitrov madak quarterfinal asaya koka, semifinal asayatsü jenjang angu.
You must be logged in to post a comment Login