November 7 nü KBYF silver jubilee amungtsü

Dimapur, November 3 (TYO) : November 7 nü Kohima Baptist Youth Fellowship (KBYF) küm 25 ajungba jubilee amungtsü atema sentong renemdar.
Iba benjung ya “Celebrating the legacy of faith” omen nung ajemdaker Ministers’ Hill Baptist Church Kohima nung nikongtsütsü 2:00 ako nung agitsü.
Iba sentong nung tongti o jembirji NBCC general secretary Rev. Dr. Zelhou Keyho alitsü aser mendenji Kohima Ao Baptist Arogo Youth Pastor Tia Toshi asütsü.
Sentong tenzüka Kohima Baptist Pastors’ Fellowship president Rev. Dr. Vevo Phesao-i Lai zünga sarasademtsü, KBYF president Kethosezo Yongo-i tesentepertem pela agizüktsü, Samuel Shohe-i KBYF otsü metetdaktsü aser MHBC Pastor Tepusaho Tase-i nüngo sayatsütsü.
Sentong nungsa NBCC Youth Secretary Vikuo Rhi-i o salem osang abentsü, KBYF team-i shilem bakak agitsü aser MBCK Pastor Rev. K. Losü Mao-i tenüngsang agüja sarasademtsü.