November ita atema Kiphire DPDB senden ayonga amen

Kiphire, November 06 (TYO): Kiphire District Planning & Development Board (DPDB) senden November 6, 2019 nü DC conference hall, Kiphire nung Deputy Commissioner aser Vice chairman, DPDB Kiphire, Sarita Yadav, IAS leniba nung menogo, ta ketdangsertem osang ka ajanga metetdaktsü.
Iba senden nung Board züngsem tasenpurtem- Amit Nigam IPS, SP Kiphire; Abhinav Shivam IAS, ADC Pungro; Moasunep EAC Seyochung; James T. Khulu SDO (C) Hq. aser Daniel Zeliang District Planning Officer nunger pelaa agizük.
Vice chairman-i, hopta shia gyneocology doctor kati District Hospital semdangtsü, anungji treatment agitsü atema tetsür ajak nem iba osang metetdakjang, ta metetdaktsü.
Board-isa DC office nung Bodhbar aser Honibar anogoji ‘No Interview Day’ asütsü agizük.
DC-i ashiba agi, hopta piyong public interview aliba ajanga administrative office-i mapang shidak nung mapa tembanga meinyaketeter.
Medical department-i department ajak “Tobacco Free” asütsü atema benokdang Dr. N. Moa Jamir-i züngsem ajak dang iba sentong takok angutsü atema Board züngsem ajak dang medical team den amalitepa inyaktsü mepishi.
Senden nungsa SDPDB Pungro tentettsü; Seyochung town nung SDO (Electrical) post tentettsü, LADP 2019-20 atema verification committees tentettsü aser GHS Phelungre village nung staff quarter yanglua atsü atsütsü atema jembi.
Senden nung Medical Department asr Agriculture department nati departmental osang metetdakja liasü.