November ita matongdangsa Ram Temple atema bill ka benoktsüla: VHP

New Delhi, June 10 (Agencies): Tanü Vishwa Hindu Parishad (VHP)-i Centre nung BJP-i aniba sorkar dang, Ayodhya nung Ram tekülem ki yanglutsü atema taküm November ita matongdangsa bill ka benokang, ajimesüra VHP-i November ita nung tongtibang telemtetba kar agitsü, ta metetdaktsüogo.
VHP International Joint General Secretary, Surendra Jain-i, “BJP-i aniba sorkari Ram tekülem ki yanglutsü atema November ita tashi nungbo Parliament nung bill ka benoktsüla. Aji meinyakra Dharam Sansad nung tongti putirtemi tongtibang telemtetba kar agia sangdongtsü,” ta metetdaktsü.
VHP-i ayonga taküm November 23 nungi 26 nü tashi Karnataka nung Dharma Sansad ayonga akatsü.