November nung Rahul Congress tongti akumtsü

New Delhi, October 19 (Agencies): October 24 nü Congress Working Committee-i election sentong metetdaktsütsü aser November mezüngbuba hopta nung party tatong Tir, Rahul Gandhi party tongti akumtsü, ta osang angazükogo.
BJP aser Cong napronglai Himachal Assembly elections atema candidates sangdongogo. Iba election November 9 nü agitsü, aser iba anogo matongdang Rahul Congress Tir akumtsü ta osang angazüker.
Bodhbar aonung Parliamentary standing committee on external affairs senden nung Rahul-a dena liasü aser iba senden nung Foreign Secretary, S Jaishankar-i committee züngsemtem dang India-China tesendaktep indang metetdakja liasü.