NPA lokti senden ayonger

Dimapur, Luchii/December 11 (TYO): Nagaland Press Association (NPA) lokti senden den repsema Khristmas jeli sentong Luchii/December 19 nü agitsü anogo atsülangogo, aser iba senden Hotel Saramati, Dimapur nung anüngdang 11:00 ako nungi agitsü, ta tanü NPA-i sangdong ka ajanga metetdaktsü.
Iba dak sendakba nung NPA züngsem ajak dang media dak sendakba tebilemba onük bener arua senden nung medema adentsü ayongzüker; kasa anogo nung register süa alir Identity cards alemtsü.
NPA nung ano register süa malir nija mesüra institutions-a iba senden nung adentsü jaoker, ta kasa sangdong nung shia lir.