NPA züngsem bendentsü

Dimapur, Nov. 22 (TYO) : Nagaland Press Association (NPA) nung shirnoksa züngsema ali, parnok ajak ano züngsem tasen küma yanglushitsü aser tasenpurtema tenüng agütsütsü asoshi tang nungi December 15, 2016 anogo tashi mapang lapoktsür ta tanü NPA sangdong ka ajanga metetdaktsü.
Iba maparen mapang tatsüka tsüngda takok ngua katettsü asoshi tasen pur aser tejen purtem asoshi form osangkaket adokba kidang aser Dimapur, Kohima aser Mokokchung nung Press Club menden purtem ket nung angutsü, anungji nisung ajaki agüja aliba mapang nungsa form-ji jungjunga renemer The Press Point, Naga Shopping Arcade, Dimapur mesüra NPA ketdanger mashi ka nem agütsütsü mepishir ta kasa sangdong ajangasa NPA-i metetdaktsü.