NPCC-i asür Wt. Takatula mangayimer

Dimapur, March 14 (TYO) : Odisha Angh, Dr. S.C. Jamir aser Urban Development Advisor S.I. Jamir tetsü aser ano Tourism Parliamentary Secretary, C. Apok Jamir tetsü Wt. Tekatula iba alima toktsür aoba osang angashia temulung raksar, ta NPCC tir K. Therie-i sangdong ka nung metetdaktsü.
Asür Wt. Takatula ji kanga dang tetemjen aser temoatsü aketba tetsür ka liasü aser la tenüng tajungji lar tanur aser semchirtemi Naga nunger asoshi mapa tajungba inyakba ajanga teti bilemtettsü. Aor atema dang masü saka Naga nunger ajak asoshi tetsü tajung ka samaogo, ta K Therie-isa sangdong nung shia lir.
Kü den külemi NPCC nung züngsem ajaki asür kibong den asüku lemsateper aser mangyimba mapang Tsüngremi asür kibong nem tesünep moajang ta sarasademtsür, ta NPCC tirsa shisem.