NPCC-i Centre aser NSCN-K dang mepishir

Dimapur, August 10 (TYO) : NPCC nungi Political Affairs Committee (PAC)-i Nagaland nung law & order tensa atema tebilemtsü khuret abener, ta NPCC Tir & PAC, NPCC Chairman, K. Therie-i sangdong ka nung metetdaktsü.
Nagaland nung tipmedemi alitsüsa tensa aruba aser international borders nung curfew aliba den anogoshia sepaitemi mitba ajanga nübortem timtem ajurur. Item denji ano sepai talila akümba ajanga nübortem temulung tipmedemteter. Anungji India sorkar aser NSCN(K) tsüngda ceasefire meyipa reprangshiang, ta PAC-i mepishir, ta K Therie-isa sangdong nung metetdaktsüogo.