NPCC-i Chanakyapuri nung atalokba aitsür

Dimapur, June 9, 2023 (TYO): Gujurat kübok Chanakyapuri nung Naga nunger ana dak tashiyim mapa inyakba aitsür ta Nagaland Pradesh Congress Committee (NPCC)-i metetdaktsüogo.

Iba inyakyim ajanga takoksa ajururtem aser Gujurat Naga Students Union pusema nungiter aser ozüngi melaba ama mapa meinyak tashi onoki inyaktsü, ta NPCC President S Supongmeren Jamir-i sangdong ka nung ashi.

Maneni, Gujurat Naga Students Union-i mapang shitak nung mapa inyakba atema tenüngsang agütsür, ta paisa ashi.

Asenok Naga nunger ajak külemi longjemtsüla aser temeten mangu tashi asenok telongjem aser tashi sayutsü ayongzüker, ta Supongmeren-isa ashi.