NPCC-i District tour tenzüker

Dimapur, September 5 (TYO): Nagaland Pradesh Congress Committee (NPCC)-i September 8-28, 2017 tashi Nagaland kübok district tem sema senzütsü.
September 8 nü Congress Bhavan Kohima nung sarasadem mapang ka agiba sülen NPCC tir K Therie-i anir ketdangpurtemi tour ji tenzüktsü.
Nagaland nung aliba nübortemi party telemsa yutsür public sendentem nung arua adentsü mepishir. Sorkar ketdangsübaren nung ochimashi agi sünger aliba agientsü atema NPCC Roadmap indang onüktem jembiba nung, nisung ajak arua adentsü ayongzüker, ta Media Cell, NPCC sangdong ka nung metetdaktsü.
District Tour programme:-
Sept 8 – Kohima, Sept 9 – Peren, Sept 13 – Mokokchung, Sept 14 – Longleng, Sept 15 – Zunheboto, Sept 16 – Wokha, Sept 21 – Mon, Sept 23 – Tuensang, Sept 25 – Kiphire, Sept 27 – Phek, Sept 28 – Dimapur.