NPCC-i Holi salem metetdaktsür

Dimapur, March 23 (TYO) : NPCC President, K. Therie-i sangdong ka nung Holi benjungmung salem lemsatep. Iba benjung ya tajungi temenen madak takok anguba atema amunger aser iba mapang tesentaktep akangshitsü aser telok balala tsüngda akhümtsübutep tasen kümshitsü mapang ka lir, ta K Therie-i sangdong nung shia lir.

Sentsü tapu balala amshia benjung amungba mapang asenoki yimjung, tepela aser temeim indang osang prokshidi. Nenok iba benjung amungdang NPCC-ia salem tulu abener, ta paisa shisem.