NPCC-i taoba Deputy Speaker den candidate tem pelaa agizüker

Kohima, April 04 (TYO): Taoba Dy. Speaker, Er. Levi Rengma, taoba Candidates- Hopson Snock, Dr. K. Mangyangpula Chang, taoba VP, GK Rengma nunger leniba nung taoba NPP team lenirtem aser ketdangpurtem Congress nung pelaa agizüker, ta tanü NPCC Tir, K. Therie-i sangdong ka ajanga metetdaktsü.
“Secular aser asen sobaliba, libaliro aser maitsü amokmeren tensa ka nung aliba mapang ka nung sen aser tashi atema masü saka asen nüburtem kümzüktsü aser Naga yimtenren tekaraba nung latettsü atema BJP asalentong tamajung anema longjemer raratsü asoshi parnoki shisa kaa telemtetba agiogo,” ta kasa sangdong nung shia lir. Nagaland teraksaba nung kümzüktsü atema parnoki bilemja inyakba atema NPCC-i parnok dang kanga pelar, aser senteper secular forces tashi ishitsü atema inyaktsü, ta kasa sangdong nung shia lir.