NPCC ketdangpur senden ayonger

Dimapur, Tsüklai/February 6 (TYO): Working President Khriedi Theunuo-i, NPCC ketdangpurtem senden ka February 11, 2020 nü 11:00 ako nungi tenzüka Congress Bhavan, Kohima nung amentsü ayongba metetdaktsüogo. Iba senden nung, Naga nunger yimden yimsüsüba tsütsü telemtetba ka takaratiba nung agidaktsütsü asoshi GoI nongshitsü atema koba Civil Disobedience sentong ayonga lir, iba sentong asoshi tasa aser inyakyim balala sensak asemtsü.
NPCC Working President, Vice President, General Secretaries, Secretaries, Treasurer aser Frontal Chief tem ajak iba senden nung kechi südir süaka aru adentsü metetdaktsür, ta General Secretary (Admn), NPCC N. Yona Konyak-i sangdong ka ajanga metetdaktsü.