NPCC Tir-i Diwali salem lemsatep

Dimapur, October 18 (TYO): Tan Deepawali nung tammang madak tesangwa, mashi-memetet madak shisatsü, temenen madak tajung aser tejashi madak teimla agi takok anguba benjungmong amongdang Deepawali tesangwa ajanga shisatsü shisangdakjang aser atangji lenmang bushidakjang, ta Bodhbarnü NPCC Tir, K Therie-i lemsatep.
“Iba benjung ajanga nübur madak aliba temenen samadakjang aser kati ka meimtsü ajungshidakjang. Iba Deepawali ajanga tesünep, nüji aser tepela agüjang,” ta paisa metetdaktsü.
Kü den külemi NPCC-i Deepawali tepela salem osang lemsateper, ta sangdong nungsa shia lir.