NPCC Workers’ Leadership Training sentong temogo

Dimapur, March 12 (TYO) : Conference Hall, Congress Bhavan, Kohima nung anogo ananü ‘NPCC Workers Leadership Training Programme’ tanü temogo.
Iba training nung shisalen agütsürtemji, Dimapur Law College Principal, P. Leonard Aier, NPCC Secy. Khreidi Theunuo Vice President, NPCC, Ayang Aonok, Capt. G. K. Zhimomi, Chairman, Media Cell, NPCC, taoba Secy, NPCC B.S. Shekhawat, Ex MLA Takamasa aser NPCC President K. Therie nungertem liasü.
Tanü sentong nung Therie-i ‘Capacity Building’ indang onük jembidang party workers-i lenisüba yimya ajungkettsü aser külem nükjidong atongtsü atema longjemer inyaktsü ayongzük.
Therie-isa state indang rongsenkettsüng tia indang jembidang, “asenok mejanga aliba taküm nungi saksalemtsüla aser süpokrem magizüktsüla. Welfare schemes, shishilembaba aser tanga mapatem ajanga asen tepok mesütsü merangtsüla” ta ashi.
NPPC tirisa lanurtem dang shishilembaba nungi angazüktsü aser production o marketing nung lanurtemi tongti shilem agitsü ayongzük.
Tanü sentong nung BS Shekhawat-ia ‘Creating People’s Bank’ aser ‘Managing Constituency’ onüktem jembia liasü.
Sentong nung Gen. Secy. NPCC Dokio Kecham menden liasü aser Jonathan Ao Gen. Secy. NPCC-i anküp tepela o jembi.