NPF 21 Tuli A/c tenangzükba sentong agi

Dimapur, September 5 (TYO) : September 1, 2015 nü kümsük 2015-2020 atema NPF 21 Tuli A/C tenangzükba agiba sentong agi.

Iba sentong nung C-E-C züngsem C. Bendang aser area nung Advisor Board tem dena liasü aser Mokokchung Divisional lennirtem, tongtipangsa division nung Tir Wb. Maosangba lenisüba kübok iba sentong acha-ayanga takok ngua agiba atema pelaba metetdaktsür, ta NPF 21 Tuli A/c tir I. Olem. Lkr aser tongti tezülur Aomeren nati külem sangdong ka nung ashi.

Iba tenangzükba agiba sentong nung Tir Wb. Maosangba-i o jembidang, party nung inyakertemi party pangtak, temzüng kübok tashi anga anidaktsü aser iba dak alaka party nung züngsem tasen kümnüra kecha nokdanga mali, saka party nung züngsem kümnüra shitakba lenmang ajanga adentsüla, ta ashi.

Iba senden nung pangzüng ka renema ayu aser ibaji, NPF 21 Tuli A/c-i NPF Mokokchung Division mapa ajak nung nungita yaritsü. Nagaland nung NPF party tashi aittsü asoshi Tir Wb. Shurhozelie aser minister-in-charge, Mokokchung Wb. Nüklutoshi minister Minister for Highways, Mechanical & Engineering, Election lenisüba nung nungita yaritsü lemtet, ta NPF 21 Tuli A/c menden ajanga sangdong nungsa metetdaktsü.