NPF 28 Koridang A/C-i CM, Dr. Shurhozelie nem tenüngsang agutsür

Mokokchung, March 01 (TYO): Yimtenren nung takotet aser akhümket lenir, Dr. Shurhozelie Liezietsü ama ka Nagaland Chief Minister shimba atema NPF 28 Koridang A/C-i tenüngsang agutsür, ta tanü NPF 28 Koridang A/C Tir, Süchasangba aser General Secretary, Marwati nati sangdong ka ajanga metetdaktsü.
“Pa lenisüba kübok Nagaland state nung azükaru alitsü aser yimjung alitsü onoki tamang akar,” ta sangdong nungsa shia lir.
“Chief Minister aser NPF Tir, Dr. Shurhozelie Liezietsü-i ozü lenir Wb. Imkong L. Imchen anenja aliba agienba aser DAN sorkar nung pa nem cabinet menden agutsüba atema NPF 28 Koridang A/C-i pelar,” ta kasa sangdong ajangasa metetdaktsü.