NPF 5 Ghaspani-II A/C senden amen

Dimapur, November 11 (TYO): NPF 5 Ghaspani-II A/C executive senden T.L. Park, New Chumukedima nung kanga takok ngua kaogo, iba senden nung executive züngsem ajak aser yim balala nungi unit office ketdangpurtemi lenir aser MLA, Zhaleo Rio, Parl. Secy., Municipal Affairs nungita shilem agi, ta NPF 5 Ghaspani-II A/C Press Secretary, Thejangukho Yalietsu-i tanü sangdong ka nung metetdaktsü.
Iba sentong nung jembidang Rio-i party nung inyakertem dang lokti tenzükba mapang nung lenirtem ama tashi itta alitsü ayongzük.
“Asen meketa alirtem atema asenok ya tensa ajak nung parnok ajungmesortem asütsüla,” ta paisa ashi.
Iba senden nung züngsem tejenpur aser tasenpur napronglai kasa nükjidong nung rangloker aden aser central o unit ketdangpurtem napronglai shilem agia liasü.
5 Ghaspani-II A/C Tir, Seyieu Keyho leniba nung iba sentong agi, Kipuphe Village Baptist Church Pastor, Piwoto Swu-i Tsüngrem leniba aser temoatsü meshia sarasadem aser tatong Tir, Tenikolie Krose-i tepela anküp o jembia liasü, ta sangdong nungsa shia lir.