NPF Central Women Wing-i Manipur nung NPF MLA tem tenüng asang

Dimapur, Aami/June 16 (TYO): Manipur nung NPF MLA, Awangbow Newmai, Minister, In-charge, Forest and Environment, Climate Change and Sericulture aser Leshiyao Keishing, Advisor to Chief Minister shimba atema NPF Central Women Wing-i tenüngsang agütsür aser tepela lemsateper, ta sangdong ka ajanga ashi.
Parnok lenisüba kübok Naga People’s Front party ajanga maneni takok angutsü NPF Central Women Wing tamang lir. Parnok den maneni takokba lidakjang ta sarasademer, ta sangdong ajanga ashi.
Maneni NPF lenirtem dak tamang katetba ministry nung aniokba atema NPF Women Wing ajanga Manipur Chief Minister, Biren Singh danga pelaba lemsateper, ta sangdong ajanga ashi.
Onok tenüng nung nokdakba mapang nenoki tajungtiba inyaktsü aser tajemzükba jenjang nung alirtem aser NPF party temaleni ajungkettsü sarasadema atar, ta NPF Central Women Wing ajanga ashi.