NPF Dimapur Division akangshitsü telemtetba agi

Dimapur, Mongputeni (October) 30 (TYO): October 30, 2018 nü NPF Dimapur Division senden ka amendang MLA aser Dimapur Division indang NPF in charge, Moatoshi Longkumer-i party züngsemtem longjema alitsü aser mapa inyaktsü sobaliba tenzüktsü ayongzük.
Tanü senden nung NPF Dimapur Division-i MLA in charge Moatoshi lenisüba kübok Assembly Constituency punguprongla akangshitsü telemtetba agi, ta Press and Media Cell, NPF Dimapur Division sangdong ka nung ashi.
Parnokisa Party President Dr. Shurhozelie Leizietsu aser Opposition lennir T R Zeliang lenisüba kübok anidaktsü aser nungittsü bangzüngtep.
Senden nunga adenertemisa Dimapur Division NPF party akangshitsü atema jenjang ajak nung primary membership mapa inyaktsü tenzüktsü telemtetba agi.
Tanü senden nung mendenji COB Vice President aser Dimapur Division in charge Pusazo Luruo liasü, Vepranulu Nyekha-i temoatsü meshia sarasadem, Dimapur Division President Er. Rhonthungo Ovung-i tesentepertem pela agizük aser President Youth Wing Dimapur Division Yanger-i anküp tepela o jembi.