NPF Dimapur Division-i Dr Shurhozelie pusemer

Dimapur, July 24 (TYO): July 24, 2017 nü Dimapur Division office, Landmark colony nung NPF Central In-charge Dimapur Division, Dimapur Division ketdangpurtem aser Women Wing, Youth Wing, Farmers Wing aser Minority Wing pur rongdak senden ka amen.
Senden nung adenertemi onük aika benoka olemtepba sülen, NPF Tir Dr Shurhozelie Liezietsu maneni pusema nungittsü bangzünga renem, ta President, I. Nungsang Jamir aser General Secretary (Admin), Itokhu Chophi nati sangdong ka nung ashi.
Senden nung adenertemisa Central office-i Bharatiya Janata Party (BJP) den tesentaktep pilatsü lemtetba agizüker aser pusema nungiter ta telemtetba agi.
Dimapur district nungi MLA tem dang Naga nunger aser party ajungtsü atema party dangi arutsü atema ayongzüktsü lemtet, ta NPF Dimapur Division mendenpurtemisa metetdaktsü.