NPF Dimapur Division-i jangjashitsür

Dimapur, Aug.22 (TYO) : Tawa osangkaket kar nung NPF tenüng nung nisung kari NPF tir Dr.Shurhozelie aija jembiba ken o ka jangjashitsü dang, “ NPF Dimapur Division pur ketdangpurtem aser Assembly constituency pongo nungi NPF lenirtem Rio’er kidang senden ali ta metetdaktsübaji temenünütsüka lir, iba senden nung adenertemji NPF telok anemertem liasü,” ta NPF Dimapur Division nung tir Wb.I.Nüngsang Jamir aser tongti zülur Wb.Itokhu Chophi nati metetdaktsüogo.

Iba senden nung NPF Dimapur Division nung Working president ama kümer H.Thongi jembibaji kenyongi tai, kechiyong NPF Dimapur Division nung Working president menden mali aser Youth Wing tenüng nung tir ka ama Phyobemoi jembibajia shitak masü, kechiyong paji tang tashi ‘suspend’ nung lir ta NPF Dimapur Division nung lenirtemisa metetdaktsü. (parnoki English nung züluba tapak 10 nung agutsü.)