NPF Dimapur Division-i senden ayonger

Dimapur, May 07 (TYO): NPF Dimapur Division-i NPF Central Team Consultative senden ka May 9, 2017 anüngdang 11:00 ako nungi Town Hall Dimapur nung ayonger, ta tanü NPF Dimapur Division General Secretay, Itokhu Chopi-i sangdong ka nung metetdaktsü.
Iba dak sendakba nung 5 A/Cs, office ketdangpurtem aser CEC züngsem, Dimapur Division Office ketdangpurtem, Frontal Dimapur Division, Municipal & Town council NPF candidate aser Dimapur nung amenoka aliba Central office ketdangpurtem ajak iba senden nung adentsü mepishia metetdaktsür, ta sangdong nungsa shia lir.