NPF Dimapur-i NPF tir nungiter

Dimapur, May 24 (TYO) :  Tawa NPF tir Dr.Shurhozelie Liezietsui Lok sabha nung tatar Wb.Neiphiu Rio NPF telok nungi anentsüba telemtetbaji shitak agiogo ta NPF Dimapur Division sangdong ka ajanga metetdaktsüogo.

Chief minister, T.R.Zeliangi aniba sorkar laodaktsütsü merangba kuli agi NPF Disciplinary Action Committee-i Rio NPF telok nungi anentsübaji shitak dang inyakogo aser ano maneni NPF tir Dr.Shurhozelei aser chief minister, T.R.Zeliang na leniba nung nungita yaritsü lemtetter ta kasa sangdong nung NPF Dimapur Division nung tir Wb. I.Nungsang Jamir aser tongti zülur Wb.L.Choba Lotha nati metetdaktsü.

Ano, parnokisa May 21, 2016 aonung nisung tamajunger kari Nagaland Home minister-baer jabaso taküm samatsütsü merangba mapaji kanga sashia aitsür aser tekaratiba nung item nisung tamajungertemji bangdak nung alirtemi pua merenshitsüla ta metetdaktsü.