NPF Farmers Wing Central senden amentsü

Dimapur, August 17 (TYO) : August 25, 2016 nü Naga People’s Front (NPF) Farmers Wing Central Office Bearers senden ka amentsü, ta NPF Farmers Wing Central, President, Lanukaba Ao-i sangdong ka nung metetdaktsü.
Sendenji Central Office Headquarter nung anepdang 11:00 ako nung amentsü, anungji bangdak ketdangpurtem ajak iba senden nung arua adentsü mepishir. Iba sangdong dak alaka nisung shinga dangia sangdong balaka meyoktsü, ta paisa sangdong nung shia lir.
Ano külen, August 24, 2016 nü Central Office Headquarter nung CEC Meeting sülen Benjongliba Aier, Minister Incharge Farmers Wing den Coordination meeting ka amentsü, ta Lanukaba Ao-isa metetdaktsü.