NPF-i MLA 7 anema disqualification petition benok

Dimapur, April 24 (TYO): Naga People’s Front (NPF)-i tanü Nagaland Legislative Assembly Speaker tsüngdang MLA 7 anema disqualification petition benokogo.
Parliamentary Election 2019 nung NPF-i Congress party posemtsü lemtetba alema MLA teneti mapa inyakba atema disqualification petition ji benok. Party telemtetba anema noktakbaji party (NPF) membership toktsüba ama lir, ta Press Bureau, Naga People’s Front, Central Headquarter-i sangdong ka metetdaktsü.
Tashi mangaba MLA tem anema disqualification petition benoktsü aser iba dak sendakba mapa inyaktsü asoshi party-i NPF Legislature Wing nem tashi agütsüogo, ta parnokisa ashi.
NLA Speaker-i iba onok mapang shitak nung tetsübu kecha melii aser ozüng nung aliba ama telemtetba agitsü imlar, ta Press Bureau-isa metetdaktsü.
NPF-i disqualification petition benokba MLA temji E.E. Pangteang, Eshak Konyak, Kejong Chang, B.S. Nganglang, Toyang Chang, Thongwang Konyak aser C.L. John nungertem lir.