NPF-i Obangla asüba atema mangyimer

Kohima, October 30 (TYO): Central Women Wing Adviser, Obangla yasüng (October 29) Mokokchung nung asüba osang angashia NPF President, Dr. Shürhozelie Liezietsu den party pur ajaki jashi mangyimer, ta President, Naga People’s Front, Kohima: Nagaland, Dr. Shürhozelie Liezietsu-i sangdong ka nung metetdaktsü.
“Asür Obangla ya kanga teyakyak aser party nung senior lenir rongnung ka liasü aser lai menden balala nung party kanga nendaka tenzükba ajanga party yangerdaktsüba nung shilem agiogo. Anungji la asüba ajanga tapok apabaji atsüngtsü tasak asütsü. La asüba atema party-i mangyimer aser mangyimer kibong den mangyim jashi lemsateper. Iba ama mangyim mapang nung Tsüngremi parnok nem tesüneptsüba tanela agüjang ta sarasademer. Asür tanela tesünep nung anisüngzükdakjang ta sarasademtsür,” ta kasa sangdong nung shia lir.