NPF-i senden ayonger

Kohima, Monupii/May 10 (TYO): Naga People’s Front (NPF) Constitution 1 kübok Arrla V Clause 5 (Clause 10 den) nung tashi agüja aliba nung ajemdaker Naga People’s Front Tir, Dr. Shürhozelie Liezietsu-i Central Office Bearers (CoB) aser taoba General Election 2018 nung takok mangur NPF official candidates ajak külem senden ka ayonger, anungji item züngsem ajak dang senden nung medema adentsü mepishia metetdaktsür, ta NPF Tiri sangdong ka nung ashi.
Iba sendenji Monupii/May 14, 2018 anepdang 10:30 ako nungi Central Office Kohima nung amentsü, ta sangdong nungsa shia lir.