NPF Kohima Division-i jangjashitsür

Dimapur, July 27 (TYO) : July 24, 2016 nü osangkakettem nung “NPF Kohima-i Yhoshu pelashishia agizüker” ta adokbaji osangji aibelena sangdongba lir ta NPF Kohima Division-i jangjashitsüogo.
NPF Kohima-i July 23, 2016 nü Kisama nung MLA Vikho-o Yhoshu aser tang teinyakdak ketdangpurtem tsüngda coordination meeting ka dang ayongzüka amen, ta NPF Kohima Division Working President, Kesoneilie Theunuo-i sangdong nung shia lir.
Osang aibelena sangdongba atema NPF Kohima Division-i sasa bilemer aser MLA Vikho-o ji NPF party nung züngsem tajung ka lir ta jangjashitsür, ta Kesoneilie Theunuo-isa ashi.

You must be logged in to post a comment Login