NPF Kohima Division senden aka

Kohima, Mongputeni/October 4 (TYO): Naga People’s Front (NPF) Kohima division yashi mezüngbuba sanenlunden senden den külemi tenangzüktepba sentong agiogo.
NPF Kohima division tir Gonei-u Sirie-i o jembiba mapang nung ketdangpur tasentem palashishia agizüka liasü, shirnok timba ka NPF party temaba jenjangi ajungkettsü nükjidong aser temulungtetba nung tanga political party nungi NPF nung arua aden.
Senden nung MLA Keneizhakho Nakhro aser ex- MLA Khriehu Liezietsu, Er. Kropol Vitsu aser COB (Adm) i/c Kohima division vice president Kruzakie Kelio nungeria o tatsütsü jembia liasü.
O jembirtemi, party nung tulu tila ajaki tanü tashi masetshi party atema nokdakba atema parnok tenüng asang aser yimtong nung ken o aser ululu balala jembiba ajanga parnok mayipshidaktsütsü ajungshi, kechiyong NPF ya state assembly nung single largest party lir aser Tsüngremi mulungba süra NPF-i sorkar kümtettsü, ta ashi.
Iba senden ya NPF Kohima Division, working president Kelhouletuo Keretsii lennisüba kübok aka.
Senden nung adenertemi tia tensa ajak nung akang akanga nokdaktsü aser NPF party tali temaba jenjang ka dangi ajungkettsü asoshi bangzünga ayu.
Maneni parnoki NPF tir Shurhozelie Liezietsu aser NPF Legislature Party leader T.R. Zeliang bendanga agüja yaritsü bangjem.