NPF MLA & DAN Legislature Party sendentem alitsü

Dimapur, July 18 (TYO) : July 20, 2015 anepdang 11:30 ako nung NPF MLA tem indang senden ka alitsü, ta Media Cell, Chief Ministers Office sangdong ka nung metetdaktsü.
Iba senden ya State Banquet Hall, Kohima nung agitsü aser iba sülen anüngdang 12:30 ako nungi Democratic Alliance of Nagaland (DAN) Legislature Party senden ka alitsü, ta sangdong nungsa shia lir.
Taruba Nagaland Legislative Assembly session tugububa atema iba senden ya jazüker anungji züngsem ajak adentsü mepishir, ta Media Cell, Chief Ministers Office sangdong ajanga metetdaktsü.