NPF Mokokchung Division-i pelar

Dimapur, Aami (June) 1 (TYO): Naga People’s Front (NPF) Mokokchung Division-i Aami (June) 1, 2018 nü Assembly Constituency ketdangpurtem den senden ka amen.
Monupii (May) 28, 2018 nü Lok Sabha by-election nung vote agütsürtem aser talisa Party MLA tem aser Peren o Phek district temi NPF candidate C Apok Jamir nem vote agütsüba atema pelaba metetdaktsür, ta Media Cell, NPF Mokokchung Division sangdong ka nung ashi.
NPF Mkg Div tir Moasangba Jamir-i party mapa inyaker ajak dang maneni party ajungkettsü atema ayongzük aser NPF züngsemtemi by-election nung shilem tajung agiba atema pelaba shisem.
Senden nung mendenji NPF Mkg Division Tongti Tezülur (Admin) Tangit Imsong liasü aser Assembly Constituency ketdagpurtem den Divisional tanishirtem ajak aden.