NPF Mokokchung Division office benjung sodi agir

Dimapur, November 20 (TYO) : Benjung mongpu atema November 23, 2015 nungi January 15, 2016 tashi Naga People’s front, Mokokchung Division office shibangtsü, ta Tir Moasangba Jamir-i sangdong ka nung metetdaktsü.

Iba mapang rongdak nüngdak kar adokra, media balala ajanga osang mepetpelatsü, ta NPF Mokokchung Division tirisa sangdong nung shia lir.

Ano, Mokokchung küm 125 ajungba benjungmung nung divisional party workers ajaki yaritepa shilem agitsü mepishir ta tir Moasangba-isa shia lir.

NPF Mokokchung Division sangdong nungsa  Khristmas aser Küm Tasen salem lemsatepogo.