NPF party Luyong Unit senden amen

Dimapur, June 29 (TYO) : June 25, 2016 nü 21 Tuli A/C kübok NPF party Luyong Unit pur senyur Repamangyang’er kidang Co-ordination meeting ka amen.
Iba senden nung NPF primary & active members, taoba Congress party züngsemtem aser BJP Party züngsemtem aden.
Senden nung Luyong Unit president Lepshi Jamir-i o jembidang, 21 Tuli AC (NPF) President I Olem Lkr-i teyari tulu agütsüba atema pa dang pelaba metetdaktsü.
Ano, Industries & Commerce Parliamentary Secretary, Amenba Yaden-i mapa ajak nung party yariba atema NPF party Luyong Unit-isa pa dang pelaba metetdaktsü.
Senden nung adenertemi General Election, 2018 nung NPF party-i maneni takok angutsü atema meranga inyaktsü bangjemtep.
Senden nung adenertemisa Chief Minister T.R. Zeliang, Party President Dr. Shürhozelie  aser Mokokchung Division president Moasangba Jamir nungeri aniba DAN sorkar pusema nungittsü bangzünga renem.