NPF Tir-i senden ayonger

Kohima, Chiteni/July 27 (TYO): NPF party Temzüng nung agüja aliba tashi nung ajemdaker Naga People’s Front Tir, Dr. Shürhozelie Liezietsu-i Luroi/August 3, 2018 nü NPF Central Headquarters nung Central Office Bearers, Central Frontal & Cell Heads aser Divisional Presidents of Nagaland State den NPF Legislators (Manipur nungi MLA 4 densema) consultative senden ka ayongzükogo.
Sendenji telemsa ana nung agitsü;
Mezüngbuba Session ji anepdang 10:30 ako nungi Central Office Bearers den NPF Legislators (Manipur nungi MLA 4 densema) agitsü, aser tanabuba Session ji nikongdang 2:00 ako nungi Central Office Bearers, Central Frontals & Cell Heads, Manipur State Unit office bearers aser Divisional Presidents of Nagaland State den agitsü, ta NPF Tirisa metetdaktsü.