NPP, Nagaland unit-i tenüngsang agütsür

Dimapur, February 13 (TYO): National Peoples’ Party (NPP) National President Conrad K Sangma-i Citizenship (Amendment) Bill anema tongti süa inyakba atema tenüngsang agütsür ta NPP Nagaland unit-i metetdaktsü.
Northeast atema political party ka ama onoki teti asen lima aser nübortem atema inyaktsü. Kasa mapang nung NPP Nagaland unit-isa Citizenship (Amendment) Bill anema noktakba Northeast nung lisopur ajak nem tenüngsang agütsür. Iba ya Northeast aser democracy atema takok ka lir, ta State Secretary- IPR, NPP Ricky Ozukum-i sangdong ka nung ashi.