NPPC Ltd atema temolung agütsüdaktsüner

• L. Chuba, Tzudikong town.

Nagaland Pulp & Paper Company Ltd (NPPC Ltd) nung inyakertemi parnok itasen November 2016 nungi magütsüi alibaji August 10, 2017 tashi nung magütsüra National Highway 61 (tangbo NH, 2 ta ajar) nokdanga longkak aittsü ta koba sangdongogo ibaji Nagaland govt atema zübazüba mebilemtsüla. Ita toku ter tashi aremzüka atar joko maremtet nung ayamesor, sen mangu nungji talisa School azüngertem education jenjang raksabajibo yutsür tang chiyongtsüa maka anungji tangutsü tim meshibaji tim dang ta bilemer.
Tanü tashi nung timtem dak alema parnok inyakertem rongnung ka tanga timtem marem soseta asüba mesüra ibala mesükba agi asüba majurui arur, aji ajak atema tajung talisa Nagaland State Govt, tia kanga aka ta bilemer.
Kodakirnaka yamaji atalokra State govt-i meteta alitsü kaji joko nüburtema (Public) tokolok shisatsü inadokogo, kechiyong tanga state tem nungbo shinga tai agia atalokdaktsüba masü tzü mopung agi pasasa atalokdaktsüba (Natural calamities) lendong nung asürtem mesüra yirurtem nema govt, nungi temenok talang meshitsür nung, kodasür metetsümonga tangutsü tim magütsüi mesüra mejembitsü-i yimpazüa toktsüdang lendongi yidaktsür atema nüburi ola madoki toktsütsü, Joko nübur ajaki temeden bushia ola adoktsü metetjema dang lir, tanü ya akhi Putu to masü.
NPPC Ltd, ya tangar shinga meyong masü India govt, O Nagaland State govt na tezüngzüktep (MOU) tajung yur lapokba lir, ajaayanga inyaktsü atema Hindustan Paper Corporation Ltd (HPC Ltd) nem nongloktsüba dang, Ajaayangeri meshitaki inyaka lira, India govt denji Nagaland govt-i, jembitsüla, NPPC yanglushitsü jembitsü-i tanga state govt tem marutsü. Alijak nung democracy linük tulutiba Indian govt atema tejembi shia jembira NPPC amala unit ka yanglushir tenzüktsüji kecha tasak masütsü. Ano iba mill melapokba agi India lima ama alima tuluji kecha balaka makoksatsü, takoksaji asenoksa asütsü.
Anungji joko kibur-i kibura ta metettsü mapang tongogo. Kibur-i ya ozü meyonga ta kibur kümteta mejembi tashi tangari yamaisa mesüshitsü. Tamalen shia aru ama tang NPPC nung inyakertemi parnok taa meshirba dang südi saka shibai metet künübo nüburi state govt dang aser lemzükja aliba department dang NPPC atema kwiben state assembly nung jembia ali? NPPC atema Delhi kwiben oa jembir? State govt, ketdangsertemi tang ama timtemdang NPPC kwipen semdanga ali? ta asüngdangtsüa mapang arutsüa akok.