NPRAAF-i RMSA dang langzür

Dimapur, October 13 (TYO): RMSA-i telangzüba agütsüba dak sendakba nung Nagaland Public Rights Awareness and Action Forum, Information & Publicity Cell-i sangdong ka ajanga, RMSA kübok senotsü angubaji itasen atema dang masü saka tanga atema-a lir, ta NPRAAF-i meteta lir, ajisüaka Drawal Authorities-i itasen aser State shilem indang ang shia lir; tanüngba DAs nungji kechi mapatem/nüngdaktem atema senotsü agütsüar shia mali, ta metetdaktsü.
RMSA kübok tongtibang mapa aika inyakbaji meteta lir, ajisüaka tongtibangtibaji tesayurtem nem itasen agütsütsüla, aji oda meinyakra RMSA nükjidong mataloktsü, ta NPRAAF-i sangdong nungsa shia lir.
SMO, RMSA-i, India sorkari 1st instalment tanabuba shilem atema sen lakh 1180.62 lemzüktsüogo aser itasen agütsütsü atema meranga inyakdar ta metetdaktsüba atema pelar, ta parnokisa metetdaktsü.
India sorkari iba senji agütsüra kechiba tang tashi Finance Department (FD)-i sen magütsüi sota ayur? RMSA tesayurtem nem memenoi senji agütsütsü atema FD dang mepishir, ta NPRAAF-i sangdong nung shia lir.
SMO, RMSA Mission Director-i, RMSA kübok 2016-17 aser 2017-18 atema agütsüba sen ajak agi (India sorkar aser state shilem densema) crore 90.33 lir ta metetdaktsüogo. Ajisüaka State FD-i ashiba apibo drawal authorities 9 (India sorkar sanction aser state shilem densema) nung financial year ana atema tang tashi nung sen crore 99.83 agütsüogo. Iba ya ajanga sen talila crore 9.5 crore (sen cr. 99.83-sen cr. 90.33) lir ta sayur. NPRAAF-i FD dang sen talila agütsüba atema telangzüba agütsütsü akhanger, ta NPRAAF-isa metetdaktsü.