NPRAAF-i state sorkar dang backdoor appointments agientsü ayongzüker

Dimapur, June 8 (TYO) : June 6, 2016 nü P&AR Deptt indang sangdong ka nung ad-hoc/ casual/temporary/work-charged appointments noktangtsü osang metetdaktsüba atema state sorkar nem tenüngsang agütsür, ta Nagaland Public Rights Awareness and Action Forum-i sangdong ka nung metetdaktsü.

Iba osang ya zünger mapa mongui aliba Naga nunger lanurtem atema anisüngzük tulu ka lir, ajisüaka P&AR Deptt indang sangdong nung contractual appointments noktangbaji backdoor appointments azüoktsü atema dang lemtetba ama ajiteter. Iba telemtetba ajanga asen loktiliba nung tashidak aliba maneptettsü. Anungji, tim masüba inyakyim noktangtsü atema mapa inyaktsübaji kanga tongtipang, saka backdoor appointments agientsü atema sorkari mapa tajung ka inyaktsüla, ta Information & Publicity Cell, NPRAAF sangdong nung metetdaktsü.

State sorkari sorkar ketdangsübaren nungi backdoor appointments ajak agientsüla aser tetemjen sensotem nem ochi temeten agütsütsü ayongzüker, ta NPRAAF-isa metetdaktsü.

NPRAAF-isa Nagaland Voluntary Consumers’ Organization-i consumers indang temeten aser backdoor appointments anema mapa inyakba pusema nungiter, ta sangdong nungsa shia lir.