NPSC-i sangdonger

Dimapur, Luroi/August 29 (TYO): Nagaland Public Service Commission-i sangdong ka ajanga Commission-i achaayangba tatidang agütsütsü jangrartem dang Nagaland eDistrict Portal at https://edistrict.nagaland.gov.in. ajanga One Time Registration (OTR) inyakyim tembanga inyakba sülen tatidang atema applications tem ajak online ajanga dang agizüktsü ta metetdaktsüogo.
One Time Registration (OTR) inyakyim atema tejangrartemi Commission indang website www.npsc.co.in semdanga tenüngdakba inyakyimtem aser iba inyakyim nung tenüngdakba kuli kakettem idang osang agitettsü.
Temetettsü kar:
1. OTR submission inyakyim atema taa kecha magitsü
2. Candidate temi benokba OTR form nung aibelen/mabensa lira magizüktsü
3. OTR inyakyim tembanga inyakba sülen candidate temi Commission-i achaayangba tatidang ka atema apply asüba mapang tenüngdanga kuli kakettem indang photocopy agütsütsü nüngdak madoktsü.
4. Candidate tem dang taruba Advertisement madoktsü tsüngda aritepa maparen balala inyakba nungi jenbotsü atema One Time Registration inyakyim ya parnok tejangraba nung tembanga inyaktsü metetdaktsür.